Oxu24.com “The New York Times” (NYT)-a istinadən  yazır ki, ABŞ ordusu digər məsələlərlə yanaşı, Rusiya-Ukrayna münaqişəsinin monitorinqi təcrübəsindən də istifadə edərək Çinlə potensial müharibəyə hazırlaşır.

Qəzetin müsahibə verdiyi hərbi ekspertlər hesab edirlər ki, Çin yaxın illərdə Tayvanı işğal edib ələ keçirməyə cəhd edə bilər ki, bu da ABŞ-la qarşıdurmaya səbəb olacaq. Bu fonda ABŞ ordusu bölgəyə qoşun yeridir və müttəfiqlərlə birgə təlimlər keçirir.

NYT məqaləsində deyilir ki, “böyük və yöndəmsiz” ABŞ ordusu potensial müharibə fonunda çevrilməyə məcburdur. Qeyd olunur ki, son illərdə yalnız kiçik dövlətlərlə müharibə təcrübəsi olan Amerika ordusu silah və peyk kəşfiyyatında ÇXR-dən üstün deyil.

Mütəxəssislərin fikrincə, ABŞ ordusunda yüksək itkilərə səbəb ola biləcək münaqişəyə digər böyük ölkələrin də qoşulması ehtimalı var.

Mənbələr qəzetə bildiriblər ki, mümkün hərbi əməliyyatlara hazırlıq məqsədilə Birləşmiş Ştatlar müttəfiq qoşunları ilə birlikdə dərələrdə, cəngəlliklərdə və rütubətli ərazilərdə təlimlər keçirib. Havay adaları yaxınlığındakı ordu gəmilərinin ekipajları da hərbi texnikanın və hərbi personalın boşaldılması üsullarını tətbiq ediblər. ABŞ Ordusu təlimlərində Rusiya-Ukrayna müharibəsi təcrübəsindən, xüsusən də kiçik təxribat qruplarından və rabitə vasitələrinin istifadəsindən fəal şəkildə istifadə edir.

Miri