Rusiyalıların 70 faizi ölkə prezidenti Vladimir Putinin növbəti müddətə namizədliyini irəli sürməli olduğunu bildirib.

 

Oxu24.com  xəbər  verir  ki, bu barədə “İctimai Rəy” Fondunun (FOM) layihələr üzrə icraçı direktoru Larisa Pautova məlumat verib.

 

Araşdırmanın nəticələri Ekspert Sosial Tədqiqatlar İnstitutunda “Prezident seçkiləri: seçki kampaniyası ərəfəsində ictimai tələbat” mövzusunda keçirilən dəyirmi masada təqdim olunub.

 

Belə ki, FOM-un sorğusuna əsasən, “Putin 2024-cü ildə nə etməlidir” sualına 70 faiz cavab verib ki, dövlət başçısı yeni müddətə namizədliyini irəli sürməlidir.

 

Digər 15 faiz isə prezidentin postunu tərk etməli, lakin bundan sonra ölkə rəhbərliyində başqa vəzifə tutması fikrini bildirib.

 

Səkkiz faiz siyasətdən getməli olduğunu, yeddi faiz isə qərarsız olduğunu bildirib.

 

Dekabrın 7-də Federasiya Şurası 2024-cü il martın 17-də keçiriləcək Rusiya prezident seçkilərinin tarixini təsdiqləyib.

 

Parlamentin yuxarı palatasının sədri Valentina Matvienko bildirib ki, Rusiyada seçkilərin tarixi ilə bağlı qərar qəbul etməklə, seçki kampaniyası başlayır.

 

Vladimir Putin qarşıdan gələn seçkilərdə iştirakını hələ açıqlamayıb.

 

Kremlin rəsmi nümayəndəsi Dmitri Peskovun qeyd etdiyi kimi, dövlət başçısı hələlik onun namizədliyinin irəli sürülməsi ilə bağlı qərar qəbul etməyib.

 

Eyni zamanda Putin bu barədə qərarını 2023-cü ilin sonundan tez verməyəcəyini vurğulayıb.

 

Müəllif: Miri

 

Oxu24.com