Çexiya Avropa İttifaqına Rusiya diplomatlarının Şengen zonasında hərəkətini məhdudlaşdırmağı təklif edib

Avropa İttifaqı rus diplomatlarla bağlı ittifaq daxilində hərəkətə mümkün məhdudiyyətləri müzakirə edir.

 

Oxu24.com Financial Times -a istinadən xəbər verir ki, Çexiya bunu 12-ci sanksiyalar paketinin bir hissəsi kimi etməyi təklif edib.

 

“Aİ-yə üzv ölkələr Rusiyadan olan diplomatlar üçün səyahət məhdudiyyətinin tətbiq edilib-edilməməsi məsələsini müzakirə edirlər”, – nəşr yazır.

 

Qəzetin yazdığına görə, Çexiya ötən həftə Avropa İttifaqının Rusiya Federasiyasına qarşı növbəti sanksiyalar paketi üzrə danışıqların bir hissəsi olaraq müvafiq təklifləri yayıb.

 

Nəşr qeyd edir ki, Çexiya Rusiya diplomatlarının təmsil etdiyi potensial kəşfiyyatçıların guya dövlətlər arasında sərhədlərin olmaması səbəbindən ittifaq ölkələrində hərəkət etməsindən narahatdır.

“Çexiya Rusiyadan olan diplomatların Şengen zonasının qalan hissəsinə deyil, yalnız ev sahibi ölkə daxilində səyahət etməsinə imkan verən viza və yaşayış icazəsi almasını istəyir”, - Financial Times qeyd edir.

Bundan əlavə, Praqa Aİ-ni rus diplomatlarından yalnız biometrik pasportları qəbul etməyə çağırır, Çexiya hakimiyyətinin fikrincə, “saxtalanması daha çətindir”.

Bundan əvvəl ABŞ-ın noyabrın 15-dən 17-dək San-Fransiskoda keçirilən Asiya-Sakit Okean İqtisadi Əməkdaşlıq Təşkilatının (APEC) sammitində iştirak etmək üçün bütün Rusiya nümayəndələrinə viza vermədiyi bildirilirdi.

Əvvəllər Zaxarova ABŞ-ın APEC-dəki “qüsurlu” xəttindən danışmışdı.

 

Müəllif:Nigar