Rusiya Xarici İşlər Nazirliyi cavab tədbiri olaraq bir sıra Moldova rəsmilərinin Rusiya Federasiyasına girişini əngəlləyib.

Oxu24.com   xəbər  verir   ki,bu barədə nazirliyin saytında məlumat verilir.

İdarədən bildirilib ki, noyabrın 20-də Moldovanın səfiri Lilian Darius Xarici İşlər Nazirliyinə çağırılıb.

Son vaxtlar Moldovada rusdilli media saytlarına girişin əngəllənməsi və rusdilli nəşrlərin siyasi motivli təqib edilməsi ilə bağlı digər hallarla bağlı diplomatlar ona kəskin etirazlarını bildiriblər.

“L. Dariusa bildirilib ki, asimmetrik tədbir olaraq Moldova Respublikasının bir sıra məmurlarına Rusiya Federasiyasına giriş qadağan edilib”, - məlumatda deyilir.

Oktyabrın sonunda Moldova Respublikasının İnformasiya və Təhlükəsizlik Xidmətinin rəhbəri Aleksandru Musteata Rusiyanın bir sıra aparıcı KİV-lərinə girişi bloklamaq barədə göstəriş verib.

Qadağa TASS, İnterfaks, Moskovski Komsomolets, İzvestiya, Komsomolskaya Pravda, Rossiyskaya qazeta, Lenta.ru-ya təsir edib.

Bundan əvvəl Moldova Rusiyanın 20-dən çox onlayn mediasına girişi bloklamaq qərarına gəlib. Qara siyahıya Ümumrusiya Dövlət Televiziya və Radio Yayımları Şirkətinin (VGTRK), Mir, NTV, Rossiya Seqodnya, REN TV, Zvezda, Vesti, RTR-Planeta telekanallarının saytları daxil edilib.

Bundan əvvəl Qazaxıstan Rusiya telekanalına çıxışı kəsib.

Müəllif:Afət