Logistika problemləri Rusiyanın İranla ticarətini çətinləşdirir

Şimal-Cənub beynəlxalq nəqliyyat dəhlizi boyunca İran vasitəsilə ixracın inkişafı logistika problemləri ilə çətinləşir.

 

Oxu24.com xəbər  verir  ki,bu barədə “Kommersant” yazır.

 

TransAsia Logistics-dən Arkadi İvanov bildirib ki, beynəlxalq Şimal-Cənub nəqliyyat dəhlizi çərçivəsində Rusiyanın taxıl ixracı potensialı 2030-cu ilə qədər 30 milyon ton səviyyəsində qiymətləndirilir.

Bununla belə, ticarət dövriyyəsinin inkişafına maliyyə hesablaşmalarında çətinliklər, Xəzər limanlarında infrastrukturun olmaması və gəmi qıtlığı mane olur.

 

İvanovun sözlərinə görə, əsas problem logistika xidmətləri və ixrac-idxal əməliyyatları üçün ödənişlərin təşkilidir. İranda onlar ilk növbədə nağd şəkildə aparılır.

 

O, həmçinin Xəzər limanlarının dayazlaşmasını və yük donanmasının çatışmazlığını qeyd edib.

 

Rusiya şirkətləri Xəzər dənizində gəmilərin sayını artırmaq planlarını açıqlayıb. 2030-cu ilə qədər təxminən 20, 2050-ci ilə qədər isə 50 gəmiyə ehtiyac olacaq.

Bununla belə, İranda dizel yanacağının aşağı qiyməti avtomobil nəqliyyatını ölkə ərazisindən dəmir yolu tranzitindən daha ucuz edir.

Oktyabrın əvvəlində Putin Şimal-Cənub nəqliyyat dəhlizi layihəsinin həyata keçirilməsindən danışıb

Daha əvvəl iqtisadçı Avropa Birliyinin Rusiya üçün ticarət əhəmiyyətinin azalmasına işarə edib.

 

Müəllif:Nigar