Bazar günü Rusiyadan Finlandiyaya 16 qaçqın gəlib

Bazar günü, noyabrın 19-da İraq, Somali, Suriya və digər ölkələrdən 16 sığınacaq axtaran şəxs Vartius keçid məntəqəsindən Rusiyadan Finlandiyaya keçib.

 

Oxu24.com xəbər  verir  ki,bu barədə Kainuu sərhəd dəstəsi X sosial şəbəkəsində məlumat verib.

 

“Bu gün Vartius sərhəd-keçid məntəqəsinin açılış saatlarında 16 nəfər sığınacaq üçün müraciət edib”, - deyə məlumatda bildirilir.

 

Rusiya Federasiyası ilə sərhəddə bazar günü axşama qədər açıq olan yeganə Finlandiyanın "Vartius" sərhəd-keçid məntəqəsi planlaşdırıldığı kimi saat 18:00-da bağlanıb.

 

Noyabrın 18-də Finlandiya Sərhəd Mühafizəsinin həddindən artıq sıxlıq səbəbindən onu müvəqqəti bağlaması ilə Vartius keçid məntəqəsində vəziyyət daha da mürəkkəbləşib. Bağlanmaya səbəb bir gündə 67 sığınacaq axtaran şəxsin gəlişindən sonra həddindən artıq yüklənmə olub.

 

Bundan əvvəl Finlandiya hökuməti vəziyyətin dəyişəcəyi təqdirdə ölkənin Nazirlər Kabinetinin Rusiya ilə sərhəddəki keçid məntəqəsinin bağlanması ilə bağlı qərarlarını ləğv edə biləcəyini bildirmişdi.

 

Bundan əvvəl Finlandiya hökuməti noyabrın 18-dən Rusiya ilə sərhəddəki səkkiz keçid məntəqəsindən dördünü bağlamaq qərarına gəlib.

 

Nazirlər Kabineti açıqlayıb ki, qadağa üç ay müddətinə - 2024-cü il fevralın 18-dək tətbiq edilir.

 

Finlandiya prezidenti bundan əvvəl Rusiya ilə sərhəddə çətinliklərin olacağını proqnozlaşdırmışdı.

 

Müəllif:Afət