Rusiyada ağır qəza:Xeyli sayda yaralı var

Rusiyada ağır qəza baş verib.

 

Oxu24.com xəbər  verir  ki,Novosibirsk vilayətinin İskitimski rayonunda “Peugeot” markalı mikroavtobusla “Qazel” markalı avtomobilin toqquşması nəticəsində 14 nəfər xəsarət alıb.

 

Bu barədə regional Səhiyyə Nazirliyi məlumat yayıb.

 

Qəza R-256 avtomobil yolunun 73-cü kilometrliyində baş verib. "Qazel"in sürücüsü qarşıdan gələn zolağa çıxıb və orada mikroavtobusla toqquşub.

 

Regional Daxili İşlər Nazirliyinin məlumatına görə, qəza zamanı Peugeot-da 17 nəfər olub.

 

"İskitim rayonunda sərnişin mikroavtobusu ilə yol-nəqliyyat hadisəsi baş verməsi ilə bağlı yenilənmiş məlumat daxil olub. 1 nəfər ölüb, 14 nəfər yaralanıb", - Səhiyyə Nazirliyindən bildirilib.

 

Nəticədə xəsarət alan 14 nəfərdən 7-si xəstəxanaya göndərilib, onlardan birinin vəziyyəti ağır olaraq reanimasiyadadır.

 

Qalan 7 nəfərə təcili yardım otağında tibbi yardım göstərilib.

 

Daha əvvəl bildirilmişdi ki, Xabarovskda avtobusla trolleybusun toqquşması nəticəsində 7 nəfər xəsarət alıb.

 

Müəllif:Afət