Finlandiya Rusiya ilə sərhədə qoşun yeritdi

Finlandiya mətbuatı yazır ki, Finlandiya ordusu Vartius keçid məntəqəsində sərhədçilərə yardım göstərməyə başlayıb.

 

Oxu24.com xəbər  verir  ki,Finlandiya Rusiyanı sərhədə qanunsuz miqrant göndərməkdə ittiham edir.

 

Helsinki iddia edir ki, bu, Finlandiyanın NATO-ya kəskin meylinə görə Kremlin qisasıdır.

 

Moskva bu ittihamları qəti şəkildə rədd edir.

 

Bundan əvvəl Avropa Komissiyasının rəhbəri Ursula fon der Leyen Finlandiya hakimiyyətinin hərəkətlərini dəstəklədiyini bildirib və onlara Avropa sərhədlərini qoruduqlarına görə təşəkkür edib.

 

Şimalda bir neçə keçid məntəqəsi açıq qalır, lakin giriş daha çətindir və yalnız ikisi sığınacaq axtaranların müraciətlərini qəbul edir.

 

Finlandiya miqrasiya vəziyyətinin dəyişmədiyi təqdirdə şərq sərhədini tamamilə bağlayacağı və sığınacaq verilməməsi ilə hədələyib.

 

Müəllif:Afət