İsrail ordusu Husilərin Ədən körfəzində İsrail gəmisini qaçırmasına cavab verib

İsrail Müdafiə Qüvvələri (IDF) Yəmən husi üsyançıları tərəfindən Ədən körfəzində “Qalaksi Lider” gəmisini ələ keçirməsinə münasibət bildirib.

 

Oxu24.com  xəbər  verir  ki,“Qırmızı dənizin cənubunda husilər tərəfindən yük gəmisinin qaçırılması ilə bağlı insident çox ciddi qlobal hadisədir”,-deyə məlumatda qeyd edilir.

 

Onun məlumatına görə, ələ keçirilən gəmi İsrailə məxsus deyil. Bu gəmi Türkiyə sahillərini tərk edərək heç bir İsrailli olmadan beynəlxalq mülki heyətlə Hindistana gedirdi.

 

Noyabrın 19-da Yəmənin husi üsyançıları Ədən körfəzində İsrailin “Galaxy Leader” yük gəmisini ələ keçirib.

Bir müddət sonra üsyançılar silahlarının əhatə dairəsinə düşən İsrail bayrağı altında üzən bütün mülki gəmilərə hücum edəcəkləri ilə hədələyiblər.

 

Bundan əvvəl husilər İsrailin cənubunda Eylatın yeni atəşə tutulmasına görə məsuliyyəti öz üzərinə götürmüşdülər.

 

Müəllif: Nigar