Qaçqınlar Rusiya - Finlandiya sərhədini velosipedlə keçməyə cəhd ediblər

Afrika və Yaxın Şərq ölkələrindən olan kiçik bir qrup qaçqın velosipedlə Finlandiya və Rusiya sərhədini keçməyə cəhd edib.

 

Oxu24.com xarici mediaya istinadən xəbər  verir   ki, Helsinkinin hərəkətləri ucbatından insanlar yeməksiz, susuz, isti paltarsız soyuqda qalırlar.

 

Somali və Suriyadan olan qaçqınlar Rusiya Federasiyası ilə Finlandiya sərhədində tonqallar yandırıblar.

REN TV-nin əldə etdiyi videoda qaçqınların sərhədi keçmək üçün istifadə etdikləri velosipedlər əks olunub.

İnsanlar qarlı və asfalt yolda oturaraq Finlandiya sərhədçiləri ilə danışıqlar aparmağa çalışırlar.

Xatırladaq ki, noyabrın 14-də Finlandiya Daxili İşlər Nazirliyinin Rusiya sərhədində nəzarət-buraxılış məntəqələrinin fəaliyyətini məhdudlaşdırmaq niyyəti barədə məlumat yayılmışdı.

Departamentin rəhbəri Mari Rantanen bu qərarı Suriya, Somali və Yəməndən olan qaçqınların guya “böyük axını” ilə izah edib.

Öz növbəsində Rusiya Xarici İşlər Nazirliyinin rəsmi nümayəndəsi Mariya Zaxarova Helsinkidən gələn bu cür ittihamları dezinformasiya adlandırıb və onların heç bir əsası olmadığını vurğulayıb.

Noyabrın 16-da Finlandiya Rusiya sərhədindəki dörd keçid məntəqəsini bağlamaq qərarına gəlib: Vaalimaa (Torfyanovka), Nuijamaa (Brusniçnoe), Leninqrad vilayətində İmatra (Svetoqorsk) və Kareliyada Niirala (Vyartsilya). Məhdudiyyətlər noyabrın 18-də gecə yarısı qüvvəyə minib.

 

 

Müəllif:Afət