Krıma gedən bir qrup qayıq və hərbçi Qara dənizdə məhv edilib

Noyabrın 17-də Rusiya Qara Dəniz Donanmasının aviasiyası hava patrulu zamanı səkkiz qayığı və bir qrup desantı məhv edib.

 

Oxu24.com xəbər  verir   ki,bu barədə Rusiya Müdafiə Nazirliyi məlumat yayıb.

 

“Qara dənizin cənub-qərb hissəsində Krım yarımadasına doğru hərəkət edən Ukrayna Silahlı Qüvvələrinə məxsus yeddi pilotsuz qayıq və bir desant qrupu olan “Villard” tipli bir sürətli qayıq aşkar edilib”, - deyə idarədən bildirilib.

 

Bundan əvvəl Qara dənizdə Rusiya donanması ilə Ukrayna Silahlı Qüvvələrinin diversantları arasında döyüş olub.

 

Sevastopol qubernatoru Mixail Razvozhayev bildirib ki, "xarici yolda yüksək səslər var - Qara dəniz donanması sualtı təxribat qüvvələrinin və düşmənin aktivlərinin mümkün hücumunu dəf edir".

 

Sentyabrın 21-də Ukrayna Silahlı Qüvvələri pilotsuz uçuş aparatlarından istifadə etməklə kütləvi şəkildə Krıma hücum etməyə cəhd göstərib. Qara dəniz və Krım ərazisi üzərində hava hücumundan müdafiə əməliyyatı nəticəsində Ukraynaya məxsus 19 PUA məhv edilib. Kursk, Belqorod və Oryol vilayətlərinin əraziləri üzərində də bir PUA vurulub.

 

Müəllif:Afət