Rusiya viza mərkəzləri noyabrın 24-dən Fransada fəaliyyətini dayandıracaq

Fransanın bir sıra şəhərlərində Rusiya viza mərkəzləri noyabrın 24-də bağlanacaq.

 

Oxu24.com xəbər  verir  ki, Rusiyanın Fransadakı diplomatik nümayəndəliyindən bildiriblər ki, indi vizaları konsulluq və səfirliklər vasitəsilə əldə etmək mümkün olacaq.

 

"Sizə bildiririk ki, 24 noyabr 2023-cü il tarixindən etibarən Paris, Marsel, Nitsa və Strasburqdakı Rusiya viza mərkəzləri öz işini dayandıracaq. Rusiyaya vizalarla bağlı suallar üçün Rusiya Federasiyasının Fransadakı səfirliyinin konsulluq şöbəsi ilə əlaqə saxlayın.

Rusiya Federasiyasının Strasburqdakı Baş Konsulluğuna, Rusiya Federasiyasının Marseldəki Baş Konsulluğuna və Rusiya Federasiyasının Vilfranş-sur-Merdəki kanslerliyinə”, - məlumatda deyilir.

Daha əvvəl Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova iki rusiyalı diplomata viza verilməsindən imtinaya münasibət bildirib.

O, Parisdə UNESCO Baş Konfransının 42-ci sessiyasında iştirak etmək istədiklərini qeyd edib.

 

Müəllif:Nigar