Ermənistandan Rusiyaya qarşı şok addım: Moskvadan pulsuz göndərilən rus kitabları görün nə edildi

Rusiya Federasiya Şurasının vitse-spikeri Yuri Vorobyov Telegram kanalında yazıb ki, Ermənistanın Təhsil, Elm, Mədəniyyət və İdman Nazirliyi rus dilində olan dərsliklərin ekspertizadan keçirilməsi zərurəti bəhanəsi ilə məktəblərə köçürülməsi prosesini dayandırıb.

 

Oxu24.com  xəbər verir  ki,onun sözlərinə görə, Rusiya 50 mindən çox dərsliyin alınması və rus dilinin tədris olunduğu erməni məktəblərinə pulsuz verilməsi üçün əlavə büdcə vəsaiti ayırıb. Noyabrın 11-də bu dərsliklər Ermənistana göndərilib.

 

"Mən böyük çaşqınlıqla öyrəndim ki, Ermənistan Respublikasının Təhsil, Elm, Mədəniyyət və İdman Nazirliyi tədris materiallarının ekspertizasının keçirilməsi zərurəti bəhanəsi ilə bu prosesi dayandırıb", - Vorobyev yazıb və əlavə edib ki, erməni həmkarlar özləri konkret tələblər irəli sürüblər. 

 

Noyabrın 15-də Ermənistan hökumətinin başçısı Nikol Paşinyan bildirib ki, assosiasiyanın Minskdə keçiriləcək növbəti iclasına getməmək qərarına baxmayaraq, İrəvan KTMT-dən çıxmaq üçün zəmin hazırlamır.

 

Eyni zamanda, Paşinyan  silah və sursat təchizatı üçün yeni tərəfdaşlar axtardığını etiraf edib.

 

Rusiya Xarici İşlər Nazirliyinin sözçüsü Mariya Zaxarova İrəvanın siyasətini iki kresloda oturmaq cəhdi adlandırıb.

 

Müəllif:Miri Məcidli