İsrail Qəzza zolağında boşluq buraxa bilməyəcəyini deyir

İsrail münaqişənin kəskin mərhələsi başa çatdıqdan sonra Qəzzanı nəzarətsiz tərk etmək niyyətində deyil, ona görə də bu zolaqda “güclü qüvvələrin” mövcudluğunu qoruyacaq.

 

Oxu24.com Bu barədə İsrail prezidenti İsaak Hersoq Financial Times-a müsahibəsində bildirib.

 

“Biz geri çəkilsək, nəzarəti kim ələ keçirəcək? Biz boşluq buraxa bilmərik. Biz [nəzarət] mexanizminin nə olacağını düşünməliyik; havada olan çoxlu fikirlər var. Amma heç kim buranı, Qəzza zolağını yenidən terrorçuların bazasına çevirmək istəmir”, - Hersoq bildirib.

 

Bundan əvvəl İsrailin Əl-Şifa xəstəxanasını ələ keçirib tam nəzarətə götürdükdən sonra Qəzzada əməliyyatı dayandıra biləcəyi bildirilirdi. ID-nin məlumatına görə, HƏMAS-ın əsas komanda məntəqələrindən biri bu tibb müəssisəsinin ərazisində yerin altında yerləşir.

Eyni zamanda ABŞ prezidenti Co Bayden İsrailin Qəzza zolağının işğalının böyük səhv olacağını bildirib.

Fələstin-İsrail münaqişəsi oktyabrın 7-də Fələstin radikal qruplaşmasının HƏMAS-ın İsraili işğal etməsindən və onlarla insanı girov götürməsindən sonra gərginləşib. Bundan sonra İDF cavab tədbiri elan edərək HƏMAS-ın yerləşdiyi Qəzza zolağına atəş açmağa başlayıb və oktyabrın sonunda bölgədə quru əməliyyatına başlayıb.

Bundan əvvəl Fələstin Qəzzanın yenidən qurulması ilə bağlı konfrans keçirməyə çağırıb.

 

Müəllif:Nigar