Hindistanda Uttar-Pradeş ştatının Bulandşəhr kəndindən olan 92 yaşlı Salima Xan ad günündən sonra ilk dəfə 2023-cü ildə məktəbə gedib. O, özündən səkkiz onillik kiçik uşaqlarla dərslərdə iştirak edir.

Salima artıq oxumağı, yazmağı, saymağı öyrənib. Salimanın ardınca onun kəndindən olan daha 25 yetkin qadın, o cümlədən iki gəlini ibtidai təhsil almaq qərarına gəlib.

"Onun hekayəsi öyrənmək üçün heç vaxt gec olmadığı inamını təsdiqləyir", - Təhsil Nazirliyinin rəsmisi Lakşmi Pandi bu hekayəni belə şərh edib.

Düşmənin PUA idarəetmə stansiyası belə məhv edildi - VİDEO

Xankəndi yolunda ermənilərin "qələbə" simvolu olan tank götürüldü - 

Ermənilərin atəş nöqtələri belə məhv edildi - YENİ VİDEO

Salima Xan 1931-ci ildə anadan olub və Hindistanın Britaniya koloniyası olmaqdan cəmi iki il əvvəl 14 yaşında evlənib. Qadın bütün həyatı boyu təhsil almaq istəsə də, uşaq olanda kəndində məktəb yox imiş.

Hökumətin savadlılıq proqramının könüllüləri Xanın ibtidai təhsili başa vurmaq arzusundan xəbər tutublar və onu məktəbə getməyə qərar verməyə təşviq ediblər. Məktəb direktoru deyib ki, müəllimlər əvvəlcə yaşlı qadına dərs deməkdən çəkinsələr də, onun inadkarlığı və bilik susuzluğu onların münasibətini dəyişib.

Salima Xan bildirib ki, nəvələri onlara daha çox pul verməsi üçün onu aldadıblar,  amma indi o, pulları saymağı öyrənib.