İngiltərədə məktəb avtobusu aşıb: 2 nəfər ölüb

İngiltərədə məktəb avtobusunun avtomobillə toqquşaraq aşması nəticəsində 14 yaşlı uşaq və sürücü dünyasını dəyişib.

Oxu24.com xəbər verir ki,İngiltərənin Mersisayd bölgəsində M53 şossesində 54 nəfərin olduğu məktəb avtobusu minik avtomobili ilə toqquşub və aşıb. Qəzadan sonra hadisə yerinə təcili tibbi yardım maşını və helikopter göndərilib.

Polisdən verilən açıqlamada qəzada 14 yaşlı qızın və servis sürücüsünün həyatını itirdiyi açıqlanıb.

Şimal-Qərb Təcili Yardım Xidmətindən verilən açıqlamada qəzada yaralanan 13 uşağın xəstəxanaya aparıldığı, onlardan 2-nin vəziyyətinin ağır olduğu bildirilib.

Qəzadan sonra magistral hər iki istiqamətdə nəqliyyatın hərəkətinə bağlanıb, hadisə ilə bağlı araşdırma aparılıb.

 

Müəllif: Nigar