“Rostec” dövlət korporasiyasının tərkibinə daxil olan “Ruselectronics” holdinqi yüksək dəqiqlikli silahlarda istifadə üçün silisium kristallarına əsaslanan bir sıra matris fotomodullarını təqdim edib.

Oxu24.com xəbər verir ki, bu barədə “Rostec”in mətbuat xidməti məlumat yayıb.

Yeni fotomodulların özəlliyi 60 mV-də aşağı enerji istehlakıdır. Komponentlərin optik səmərəliliyi 400-900 nm-dir. Sonuncu, günün istənilən vaxtında istifadə etməyə imkan verir.

Fotomodulların təsvir ölçüsü 1280x1024 pikseldir. Modullar videomüşahidə sistemlərində, skanlamada və yuxarıda qeyd edildiyi kimi, dəqiq silahları hədəfə almaq üçün istifadə oluna bilər.

“Bu, tamamilə Rusiya komponentlərindən hazırlanmış yeni məhsuldur. Hər bir modul fotohəssas elementlərin matrisinin, 10 bitlik analoqdan rəqəmə çeviricinin və məlumat ötürmə interfeysi (SPI) tərəfindən idarə olunan siqnal generatorunun quraşdırıldığı bir kristaldır”, - deyə Rostec yaydığı məlumatda qeyd edib.

Şirkət bildirib ki, 2023-cü ilin sonuna kimi yeni komponentlər əsasında miniatür kamera təqdim olunacaq.

Miri Məcidli