Səfərbərlik səbəbindən Rusiyanı tərk edən beş Rusiya vətəndaşı Koreya Respublikasının əsas hava limanı olan İnçon Beynəlxalq Hava Limanının gediş zonasında ilişib qalıb.
Oxu24.com xəbər verir ki, bu barədə The Korea Times yazır.
Nəşrin məlumatına görə, ruslar sığınacaq üçün müraciət ediblər, lakin Cənubi Koreya hakimiyyəti səfərbərlikdən yayınmağın qaçqın statusu almaq üçün əsas olmadığını əsas gətirərək onlardan imtina edib.
Hökumət onlardan birindən “ilkin qiymətləndirmə” mərhələsində imtina edib.
Amma həmin şəxslər vəkilin köməkliyi ilə yanvarın sonunda qərar verəcək məhkəməyə şikayət veriblər.
“Sığınacaq istəyən ruslar bir neçə aydır ki, hava limanının rüsumsuz zonasının daxilində uçuş salonunda yaşayırlar. Onlar Ədliyyə Nazirliyinin verdiyi yeməkləri yeyirlər: səhər və axşam yeməyində tort və şirə, naharda toyuqlu düyü”, – deyə qəzet yazır.
Tərcümə: Nigar
Oxu24.com
ŞƏRHLƏR