İsrail ordusu Suriyanın paytaxtı Dəməşqə raket zərbələri endirib. Publika.az xəbər verir ki, bu barədə Suriyanın SANA agentliyi məlumat yayıb. Bildirilib ki, Suriyanın hava hücumundan müdafiə briqadası Qolan təpələrindən edilən hücumların əksəriyyətini dəf edib. Lakin bölgəyə ciddi maddi ziyan vurulub. Mənbənin verdiyi məlumata görə, İsrail 18 noyabr tarixində Suriya ərazisindəki İranın Qüds Xüsusi Təyinatlı Briqadalarının mövqelərinə zərbələr endirib. Atışma zamanı üç hərbçi həlak olub. Oxu24.com