Mobil telefonda oyun oynayan din xadimini cərəyan vurdu - FOTO

Tailandda bir buddist rahib mobil telefonda oyun oynayarkən vəfat edib.

“Daily Mail” xəbər verir ki, buna səbəb cihazın şarj etmək üçün elektrik cərəyanına qoşulu olmasıdır. 

49 yaşlı Fhra Ruanq Yot missionerlik üçün qonşu kəndə getdiyini bildirib. Lakin rahib öz məbədində gizlənərək siqaret çəkib, qəhvə içib. Bunları etmək isə buddist rahiblər üçün günah sayılır.

Üç gün sonra digər rahiblər qonşu kənddən dönərkən Fhra Ruanq Yotun onlarla birlikdə olmadığı məlum olub. Bundan sonra onu axtarmağa başlayıblar. Üç gün öncə vəfat edən rahibin çürüməyə başlayan cəsədi məbəddə tapılıb. 

Yataqda uzanıqlı halda ölən rahibin əlləri yuxarıya doğru olub. O, ölməzdən əvvəl əlində mobil telefon tutub. Ehtimal edilir ki, rahib şarj edən telefonda oyun oynayırmış. Həmçinin, yatağın yaxınlığında külqabı və qəhvə paketləri də olub.