Qaynar xətt:

(+99450) 247 90 86

Venesuelada yüzlərlə insan seçkilərin keçirilməsi tələbi ilə nümayişlər keçirib

Venesuelada yüzlərlə insan seçkilərin keçirilməsi tələbi ilə nümayişlər keçirib

DÜNYA

39

28.09.2026, 20:14

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

Venesuelada insanlar küçələrə axışıb.

Oxu24.com xarici mediaya istinadən xəbər verir  ki,paytaxt Karakasda Maçadonun Vente Venezuela (VV) partiyasının rəngi olan açıq mavi köynəklər geyinmiş yüzlərlə insan şəhərin əsas küçələrində motosiklet və avtomobillərlə yürüş edib.

Venesuela bayraqları və pankartları daşıyan nümayişçilər Maçadonun ölkəyə sağ-salamat qayıtmasını və demokratik keçid üçün yol açmaq məqsədilə prezident seçkilərinin tez bir zamanda keçirilməsini tələb ediblər.

Oxşar etirazlar Karakasdan əlavə Valensiya, Marakaibo və Meridada da baş tutub.

2025-ci ilin dekabrında Venesuelanı tərk edən Maçado, tezliklə Venesuelaya qayıdacağını və qarşıdan gələn seçkilərdə iştirak etməyi planlaşdırdığını bildirərək, dinc keçidi təmin etmək üçün seçkilərə çağırmışdı.

Daha sonra o, ölkəsinə qayıtmağı planlaşdırdığını, lakin cəhdlərinin hökumət tərəfindən maneə törədildiyini iddia edirdi.

Venesuelanın müvəqqəti prezidenti Delsi Rodrigez 3 sentyabrda seçkilərin lazımi şərtlər yerinə yetirildikdə keçiriləcəyini bildirərək, "Seçkilər olacaq, amma ölkə hazır olduqda" deyib.

ABŞ prezidenti Donald Tramp da Venesuelanın seçkilərə "hələ hazır olmadığını" bildirərək, ölkənin daha çox vaxta ehtiyacı olduğunu açıqlayıb.

Jalə