Azərbaycanda xəritədən tamamilə silinən sirli ada – İnsana hücum edən vəhşi atlar və "Kabus şəhər"in sonuncu sakini..

Azərbaycanın ən böyük adası hesab olunan, lakin hər il göz görə-görə yox olan sirli bir məkan barədə bilirsinizmi? Neftçala şəhərindən 33 km, Bakıdan isə 150 km cənubda yerləşən Kür Dili adası hazırda tam bir "kabus" adasını xatırladır. Bir vaxtlar insanların qaynar həyat sürdüyü bu torpaq parçası, indi yalnız vəhşi təbiətin və sirli hadisələrin məkanına çevrilib.

Hər şey 1981-ci ildə Xəzər dənizində suyun səviyyəsinin qəfil artması ilə başladı. Adanı quru ilə birləşdirən yeganə yol tamamilə suyun altında qaldı və Kür Dili adası dünyadan təcrid olundu. 2011-ci ildə burada cəmi 5-6 ailə mübarizə apararaq yaşamağa çalışsa da, dənizin amansız dalğaları qarşısında tab gətirə bilmədilər. Sakinlər təxliyə edilərək Neftçala rayonuna köçürüldü.

Adanın hər kəs tərəfindən tanınan və oranı tərk etməkdən imtina edən sonuncu sakini Vitali Pronin idi. Lakin 2020-ci ildə onun da vəfat etməsindən sonra adada insan nəfəsi tamamilə kəsildi. Rəsmi statistikaya görə, hazırda adada heç bir insan yaşamır.

Kür Dili adasını maraqlı və həm də qorxulu edən digər məqam isə onun yeni "sahibləridir". Vaxtilə yerli sakinlər tərəfindən saxlanılan atlar, inəklər və digər heyvanlar adada tək qaldıqdan sonra tamamilə vəhşiləşiblər. Hazırda adada böyük at sürüləri və qabanlar hökmranlıq edir. Ekspertlər xəbərdarlıq edir ki, bu heyvanlar adi heyvanlar deyil – onlar daxil olan hər bir kəsə qarşı aqressivdir və insana hücum edərək ağır xəsarətlər yetirə bilər.

Xalq arasında Kür Dili adasına “Əriyən ada" da deyirlər. Səbəb isə dəhşətlidir: hər il adanın 50-100 metrlik ərazisi Xəzərin suları tərəfindən udulur. Coğrafiyaçılar xəbərdarlıq edir ki, yaxın gələcəkdə bu ada coğrafi xəritədən tamamilə silinə bilər.

QEYD: Adanı ziyarət etmək üçün heç bir rəsmi qadağa və ya məhdudiyyət yoxdur. Lakin bura getmək istəyənlər bilməlidir: adada nə internet, nə televiziya, nə də kömək istəyə biləcəyiniz bircə insan var. Müasir dünyadan tamamilə qopmuş bu vəhşi təbiət adası həm heyrətamiz, həm də olduqca təhlükəlidir!

Həmçinin oxuyun

Prezident fərman imzaladı: Bu vəzifəlilər siyahıya daxil edildi

Maaş və pensiyalarla bağlı YENİ XƏBƏR:Sentyabr-oktyabr aylarında...

Prezident FƏRMAN  İMZALADI: 7 ay müddətində...

Kəmaləddin Heydərov xanımı ilə tədbirə qatıldı — FOTO