Ukrayna, Türkiyə və Suriyanın ortaq maraqları nədən ibarətdir?—Üçtərəfli görüşün TƏFƏRRÜATLARI 

Ukrayna, Türkiyə və Suriyanın ortaq maraqları nədən ibarətdir?—Üçtərəfli görüşün TƏFƏRRÜATLARI

Volodimir Zelenski bildirib ki, Dəməşq şəhərində Ukrayna, Suriya və Türkiyə arasında aprelin 5-də üçtərəfli danışıqlar keçirilib.

Görüşdə regional təhlükəsizlik, müdafiə məsələləri və İranla bağlı son hadisələr müzakirə olunub.

Tərəflər həmçinin energetika və infrastruktur sahəsində əməkdaşlıq imkanlarını nəzərdən keçiriblər.

Ukrayna, Suriya və Türkiyənin İran və təhlükəsizlik barədə ortaq məxrəci nədir? 

Oxu24.com-un mövzu ilə bağlı suallarına ukraynalı politoloq Maksim Yali aydınlıq gətirir.

Politoloq bildirir ki, əgər Ukraynanın Yaxın Şərqdəki maraq və hədəfləri silah istehsalı sahəsinə investisiyaların cəlb edilməsi, təkcə Avropada deyil, həm də bizim üçün vacib olan Yaxın Şərq regionunda regional təhlükəsizlik lideri statusunun artırılmasıdır:

“Həmçinin, Rusiyanın Ukraynaya qarşı təcavüzünün dayandırılması kontekstində də bu vacibdir. Çünki, məhz bu ölkələr dünya neft qiymətlərinə əhəmiyyətli dərəcədə təsir göstərirlər, neft isə Rusiyanın Ukraynaya qarşı müharibəsinin maliyyələşdirilməsinin əsas mənbəyidir. 

Müvafiq olaraq, Ukrayna Fars körfəzində İrana qarşı hərbi əməliyyatların tezliklə dayandırılmasında maraqlıdır ki, neftin qiyməti sabitləşsin və Qlobal Cənub ölkələrinə daxil olan həmin ölkələr də Rusiyaya təzyiq göstərə bilsinlər və ya bu danışıqlarda vasitəçi olsunlar.

Həmçinin oxuyun

Dövlət Tibbi-Sosial Ekspertiza və Reabilitasiya Agentliyi məhkəməyə verildi — DETALLAR  

“Mikayıl Cabbarovun təkidi ilə xarici dili buraxılış imtahanına saldıq, mən qarşı idim” 

Elgizlə Xoşqədəm bir verilişdə işləyəcək   —  Amma aparıcı kimi yox...

Prezident Azərbaycanla bağlı mühüm xəbəri AÇIQLADI:  Danışıqlar gedir...

Onlar Ukraynanın hərbi-sənaye kompleksinə, aqrar sektoruna vəsait yatırsınlar, çünki, bu ölkələr Ukrayna kənd təsərrüfatı məhsullarının mühüm satış bazarıdır. Türkiyə Ukraynanın strateji tərəfdaşıdır, azad ticarət haqqında sazişlər imzalanıb. Təbii ki, Ukraynaya qarşı müharibə əməkdaşlığa mane olur. Türkiyə danışıqlarda vasitəçidir, məhz İstanbulda 2022-ci ilin aprelində danışıqlar aparılıb, keçən il də orada danışıqlar olub. 

Türkiyənin həm Rusiya, həm də Ukrayna ilə sıx əlaqələri var, lakin o da müharibənin başa çatmasında, investisiya qoyuluşunda və Ukraynanın müharibədən sonrakı bərpasında iştirak etməkdə maraqlıdır. Bizim hərbi sahədə də böyük müqavilələrimiz var. Beləliklə, regional güc olaraq Türkiyə bizim üçün son dərəcə vacib tərəfdaşdır.

Suriya isə, uzun illər diplomatik münasibətlər kəsildikdən sonra biz yeni əlaqələr, özümüz üçün potensial yeni bazarlar açırıq - həm kənd təsərrüfatı məhsulları, həm hərbi məhsullar, həm də texnologiyalar üçün. Suriyanın da uzun illər davam edən vətəndaş müharibəsindən sonra bərpaya ehtiyacı var və bu bərpa prosesində bizim mütəxəssislər, şirkətlər iştirak edə bilər”,- deyə politoloq qeyd edib.

Çimnaz Telmanqızı