Rusiya İranın daxili işlərinə müdaxilə cəhdlərini PİSLƏDİ

DÜNYA

445

13.01.2026, 10:37

Rusiya Təhlükəsizlik Şurasının katibi Sergey Şoyqu, İran Milli Təhlükəsizlik Ali Şurasının katibi Əli Laricanı ilə telefon danışığı apararaq, xarici qüvvələrin İranın daxili işlərinə müdaxilə etməyə yönəlmiş cəhdlərini qınayıb.

Oxu24.com Rusiya KİV-lərinə istinadən xəbər verir ki, Rusiya Təhlükəsizlik Şurasının mətbuat xidməti açıqlamasında bildirilib ki, Şoyqu və Laricanı arasında keçirilən telefon danışığında İranın içindəki etiraz aksiyaları da müzakirə olunub.

Şoyqu hadisələrdə çox sayda insanın həlak olmasından dolayı başsağlığı verərək, xarici qüvvələrin İranın daxili işlərinə müdaxilə cəhdlərini pislədiyini vurğulayıb. O, həmçinin 17 yanvar 2025-ci ildə Rusiya ilə İran arasında imzalanmış genişmiqyaslı strateji tərəfdaşlıq sazişi çərçivəsində ikitərəfli əməkdaşlığı inkişaf etdirməyə hazır olduqlarını bildirib. İki tərəf təhlükəsizliyin təmin olunması məqsədilə əlaqələrin davam etdirilməsi və mövqelərin koordinasiyası barədə razılığa gəliblər.

Həmçinin oxuyun

Prezidentin gəlini onlarla kofe hazırladı - Fotolar

İlham Əliyevin Əbu-Dabidə Birləşmiş Ərəb Əmirliklərinin Prezidenti ilə görüşü olub

“Kupça”lı torpaqda “kupçasız” ev tikənlərə vəkildən XƏBƏRDARLIQ

Elçin Quliyevdən yeni ƏMR: General-mayora vəzifə verildi

Məlumat üçün bildirək ki, İranda 28 dekabr 2025-ci il tarixində yerli valyutanın xarici valyutalara qarşı dəyər itirməsi və iqtisadi problemlər səbəbindən Təbriz Böyük Çarşıda başlayan etirazlar ölkənin bir çox şəhərinə yayılıb.Rəsmi qurumlar etirazlarda ölən və yaralananların sayını açıqlamasa da, İran İnsan Haqları Aktivistləri Xəbər Agentliyi (HRANA) 11 yanvar 2026-cı il tarixində yayımladığı hesabatda, 37-si polis və bir nəfəri prokuror olmaqla, 8-i uşaq olmaqla ümumilikdə 544 nəfərin həyatını itirdiyini və 10 681 nəfərin saxlanıldığını bildirib.