Dövlət qurumlarına sızma CƏHDİ: FETO-ya qarşı geniş əməliyyat

Türkiyə aralarında dövlət qulluqçularının da olduğu 81 nəfər FETO əməliyyatı zamanı saxlanıldı

Oxu24.com Türkiyənin "Cumhuriyet” qəzetinə istinadən xəbər verir ki,Türkiyənin daxili işlər naziri Ali Yerlikaya İstanbul, Ankara, İzmir, Diyarbəkir və Balıkesir mərkəzli FETÖ-yə qarşı bu gün səhər saatlarında eyni vaxtda keçirilən əməliyyatlar zamanı, aralarında aktiv dövlət qulluqçularının da olduğu 81 şübhəlinin saxlanıldığını açıqlayıb.

Nazir Ali Yerlikaya sosial şəbəkə hesabında paylaşdığı məlumatda bildirib ki, əməliyyatlar İstanbul, Ankara, Diyarbəkir, Balıkesir, Biləcik, Bursa, Ərzincan, Hatay, İzmir, Kayseri, Kütahya, Manisa, Muğla, Sivas, Şanlıurfa və Rizə vilayətlərində həyata keçirilib.

Məlumata görə, Baş Polis İdarəsinin (EGM) KOM və Kəşfiyyat Baş İdarələrinin, eləcə də Respublika Baş Prokurorluqlarının koordinasiyası ilə aparılan araşdırmalar nəticəsində gizli şahiddən əldə olunan rəqəmsal materiallardakı məlumatlar əsasında saxlanılan şəxslərin FETÖ-nün gizli rabitə proqramı olan ByLock istifadəçisi olduqları, təşkilatla əlaqəli şirkətlərdə qeydiyyatlarının olduğu, FETÖ-nün “Polis Məxfi Strukturunda” məsul vəzifələrdə fəaliyyət göstərdikləri müəyyən edilib.

Həmçinin oxuyun

Çoxuşaqlı ailələrlə bağlı yeni təşəbbüs: Kimlər müavinət ala bilər?  

Bu şəxslərə pensiya VERİLMƏYƏCƏK 

Qəbul imtahanına necə hazırlaşmalı? – VACİB TÖVSİYƏLƏR  

Yüksək vəzifəyə təyinat BAŞ TUTDU

Həmçinin bildirilib ki, şübhəlilər təşkilatın öz daxilində formalaşdırdığı məxfi struktur çərçivəsində iyerarxiyaya uyğun şəkildə hərəkət edib, müxtəlif vəzifə və statuslara malik təşkilat üzvlərinin məsul olduqları polis əməkdaşları ilə təşkilati görüşlər keçirdikləri, bütün rütbələrdən olan polis əməkdaşlarını təşkilatın daxili kodlaşdırma sistemi ilə şifrələdikləri, təşkilata cəlb etməyə çalışdıqları polis əməkdaşları ilə bağlı müxtəlif fəaliyyətlər planlaşdırdıqları, eləcə də polis əməkdaşlarını ailə vəziyyəti, xidmət yerinin dəyişdirilməsi və sağlamlıq durumlarınadək izlədikləri aşkarlanıb.

Hazırda faktla bağlı istintaq tədbirləri davam etdirilir.