Trampın 30–50 milyon barellik Venesuela "sevinci": Növbədə Qrenlandiya “sevinc”idir

$Trampın 30–50 milyon barellik Venesuela \"sevinci\": Növbədə Qrenlandiya “sevinc”idir$

DÜNYA

827

07.01.2026, 11:14

ABŞ Prezidenti Donald Tramp sosial media hesabında maraqlı paylaşımı ilə yenə diqqətləri öz üzərinə çəkə bilib. O, yazıb:”Sevinc hissi ilə bildirirəm ki, Venesuelanın müvəqqəti hakimiyyəti ABŞ-a sanksiyalara məruz qalan 30–50 milyon barrel yüksək keyfiyyətli neft ötürəcək”.

Oxu24.com xəbər verir ki,Trampəlavə olaraq onu da qeyd edib ki, bu neft bazar qiyməti ilə satılacaq və bu pullara ABŞ Prezidenti kimi mən nəzarət edəcəyəm ki, Venesuela və ABŞ xalqlarının rifahı naminə istifadə olunmasına təminat verilsin!"

Xatırlayırsınızsa, 1 il əvvəl ABŞ administrasiyasında milli təhlükəsizlik məsələləri üzrə müşavir olan konqrsmen Mayk Uolts Qrenlandiyanın nəzarətə götürülməsinin həmin vaxt yeni seçilmiş prezident üçün niyə vacib olduğunu açıqlamışdı:” “İndi qütb buzlaqları əridiyi üçün, çinlilər buzqıran gəmilərdən istifadə edir və həmin ərazilərdə irəliləyirlər. Deməli, bu, neft və qazdır. Bu, bizim milli təhlükəsizliyimizdir”.

Siyasətçilər isə "Qrenlandiya Qərb yarımkürəsində yerləşir və Tramp doktrinasına görə, burada tam "Amerika üstünlüyü", yəni hegemonluğun bərqərar olması lazımdır"-deyə bildirir.

Deməli, Trampın ikinci ən böyük sevinci Qrenlandiyaya sahib olandan sonra yaşayacağı məlum olub. Beləki, adadakı neft sərvətindən “30–50 milyon barrel yüksək keyfiyyətli neft ötürmək” sevinci tezliklə baş tutacaq.

Xatırladaq ki, ABŞ dövlət katibi Marko Rubio Amerika qanunvericilərinə Vaşinqtonun Qrenlandiyanı hərbi müdaxilədən daha çox satın almağa üstünlük verdiyini bildirsə də, Qərb buna inanmır. "The Wall Street Journal"ın məlumatına görə, Tramp və onun administrasiyasının yüksək vəzifəli üzvləri Qrenlandiya üzərində nəzarəti bərqərar etmək üçün hərbi gücdən istifadəni istisna etmədiklərini açıq şəkildə bildiriblər.

Əntiqə Rəşid

Həmçinin oxuyun