Venesuela-ABŞ gərginliyinin İLGİNC SƏBƏBLƏRİ: Azərbaycana təsiri ola bilərmi?  — Politoloqla MÜSAHİBƏ

Siyasi analitik:"Tramp istəyinə çatıb, savaşın neft bazarına və Azərbaycana təsiri isə..."

Hazırda dünya mediası diqqətini ABŞ-ın  Venesuelaya aviazərbələr endirməsinə yönəlib.

 Məlumatlarda deyilir ki, zərbələr şəhərin cənub hissəsinə - Fort Tiuna məhəlləsinə və Generalissimo Fransisko de Miranda Hava Bazasına endirilib.

Karakasda ən azı on hədəfə hücum edilib. Hücuma məruz qalan hədəflər arasında Karakas limanı və bir neft emalı zavodu da var.

Bundan əlavə, ölkənin şimal hissəsində, Hərbi Dəniz Akademiyasının yerləşdiyi Varqas ştatındakı La Quayra Hərbi Dəniz Bazasına da zərbə endirilib.

Oxu24.com -un mövzu ilə bağlı suallarını siyasi analitik Elxan Şahinoğlu cavablandırır .

- Elxan müəllim,  bu müharibə  Rusiya – Ukrayna müharibəsi kimi dağıdıcı və uzunsürən müharibə ola bilərmi?

Həmçinin oxuyun

Maduro ilə bağlı ŞOK DETAL: Həbsindən əvvəl ona nə təklif edilibmiş?

2026-da işləri “yağ kimi” gedəcək 5 BÜRC

Rus işğalına səs verən Venesuala “haqqını” aldı: Sırada bu ölkədir!

Əhaliyə xəbərdarlıq: Yanvarın 5-i güclü ŞAXTA OLACAQ

- Düşünmürəm ki, ABŞ- Venesuela müharibəsi  Rusiya – Ukrayna müharibəsi kimi uzun çəkər. Çünki Tramp Venesuela Prezidenti Nikolas Maduro və həyat yoldaşının ələ keçirilərək ölkədən çıxarıldığını bəyan edib.

Başdan bəllidir ki, ABŞ-ın məqsədi seçkiləri saxtalaşdırmış , Maduronu devirmək onun əvəzinə isə o kürsüyə seçki ilə  başqa bir siyasətçini  ora gətirmək idi. Təbii ki, öz  o kürsüyə gətirilən siyasətçi həm də ABŞ-ın təmçilsi olmalıdır. ABŞ buna qısa müddətdə nail olacaq. 

- Sizcə, xalqı 12 ildir prezidentlik kürsüsündə oturan  Maduronu  yox, ABŞ-ı dəstəkləyəcək?

- Ola bilər ki, Karakasda bəzi etiraz aksiyaları baş versin, amma Venesuela xalqının Maduronu qətiyyətlə dəstəkləyəcəyinə inanmıram. Əgər Maduro artıq ABŞ-ın əlindədirsə, əminəm heç etiraz aksiyaları da keçirilməyəcək.

- Venesuela təbii qaz , qızıl , almaz , dəmir filizi və sair təbii sərvətlərə malikdir. Əsasən də, neft ehtiyatları ilə məşhurdur. Bu müharibənin neft bazarına və Azərbaycana təsiri necə olacaq?

- Müharibənin bu gün başladığı  və getdiyi bir vaxtda neft  bazarına  təsirindən danışmaq mümkün deyil. Ola bilər elə bu gün müharibə bitsin. Onda mənfi təsirdən söhbət gedə bilməz, amma müharibə uzanarsa bunu dəqiqləşdirmək mümkün olar.  Nəzərə alsaq ki,  Maduro hazırda ABŞ-da nəzarət altındadır və cinayət ittihamları ilə məhkəmə qarşısına çıxarılacaq, onda belə məlum olur ki, tezliklə seçki başlayacaq , hakimiyyət yenidən qurulacaq və dünya , eləcə də Azərbaycan növbəti bahalaşmanın çətinliyini yaşamayacaq. 

Xatırladaq ki, əslində Donald Tramp prezident kürsüsünə əyləşən kimi  hədəf aldığı bir neçə ölkədən biri Venesuela olmuşdu. Bundan sonra iki ölkə arasinda gərginlik  başlamışdı.   Hətta 2025-ci ilin avqust-sentyabr aylarında “ The Wall Street Journal”, “The Miami Herald” və “New York Post” nəşrləri mənbələrə istinadən ABŞ administrasiyasının Venesuela ərazisindəki bir sıra obyektlərə hücum qərarı verdiyini yazmışdılar. 

Üstəlik Trampın Venesuelanı "ABŞ-dan neft, torpaq və digər aktivləri oğurladığı" ittihamı ilə suçlaması Karakas hökumətinin Birləşmiş Millətlər Təşkilatına rəsmi şikayət etməsi ilə nəticələndi.

 Venesuela hökuməti Trampın sanksiyalara məruz qalan bütün Venesuela neft tankerlərinin bloklanması əmrinə "Biz bu təhdidləri rədd edirik" deyərək cavab verməsi ortamı daha da gərginləşdirməyə başladı.

ABŞ prezidenti Donald Tramp Venesuela lideri Nikolas Maduronun hakimiyyətdə qalma müddətinin başa çatmaq üzrə olduğunu bəyan etdikdən sonra hərbi ekspertlər bu “söz güləşdirmə”nin müharibəyə doğru getdiyini açıqlayırdılar.

 Əntiqə Rəşid