Yeni ilin ilk gününün “sürprizləri”: Yanğın, uçqun, fırtına...

DÜNYA

1265

01.01.2026, 19:18

Xəbərlərimizi Google-da izləyin

Yeniliklərdən dərhal xəbərdar olun

Bu gün 2026-cı ilin ilk günüdür və ümidlərlə gözlədiyimiz yeni ilin ilk günü özü ilə bərabərində bədbəxt hadisələr, qanlı olaylar da gətirib .

Oxu24.com xəbər verir ki,yeni günün ilk sürprizi geomaqnit qasırğasıdır.

Britaniya Geoloji Xidməti günəşdə yaranan koronal dəlikdən çıxan yüksək sürətli plazma axınlarının gücləndiyini bildirib:”1 yanvar tarixində G1 səviyyəli maqnit fırtınası proqnozlaşdırılır və onun qısa müddət ərzində G2 səviyyəsinədək güclənməsi ehtimalı var.

2 yanvar ərzində isə maqnit fırtınasının zəifləyəcəyi, geomaqnit vəziyyətin əsasən sakit olacağı və ya G1 səviyyəsində qalacağı bildirilir”.

İsveçrənin Krans-Montana şəhərindəki kurortda Yeni il gecəsiyanğın baş verib. Yanğın nəticəsində 40 nəfər öldüyü, 100-dən çox insanın isə yaralandığı bildirilir. Regionun baş prokuroru bildirib ki, hadisə yanğın kimi qiymətləndirilir və “terror hücumu”dan söhbət gedə bilməz.

Türkiyənin Artvin vilayətinin Ardanuç rayonuna bağlı Zəkəriyyə kəndində qar uçqunu baş verib. 3 çoban sürüsü ilə birgə uçqunun altında qalıb. Hələlik bir cəsəd tapılıb.

Yeni ilin ilk günü Almaniya üçün də düşərli olmayıb. Çünki pirotexniki vasitələrdən istifadə və atəşfəşanlıqlar nəticəsində iki nəfər həlak olub, yüzlərlə insan xəsarət alıb.

Yanğınlar qədim abidələrdən də yan keçməyib. Niderlandın paytaxtı Amsterdamda tikintisi 1872-ci ilə aid Vondelkerk kilsəsi yanıb. Yanğın o qədər güclü olub ki, 150 illik Vondelkerk kilsəsinin qülləsi də uçub, tökülüb.

Əntiqə Rəşid

Həmçinin oxuyun