Putin cavan qalmaq üçün gözləməli olacaq-səhiyyə naziri açıqladı

Rusiyanın səhiyyə naziri Mixail Muraşko bildirib ki, hazırda insan ömrünü uzatmaq üçün universal həb yaratmaq mümkün deyil, lakin gözlənilən ömür uzunluğunun artırılmasında irəliləyiş əldə edilir.

Oxu24.com  xəbər verir ki, bu barədə Rusiya mediası yazıb.

“Qocalma əleyhinə həb yaratmaq hələ kifayət qədər çətin olacaq. İlk növbədə, yəqin ki, immun sisteminin tənzimlənməsi məsələlərini həll etməlidir. Bu uzunömürlülük tədqiqatı hazırda ölkəmizdə və xaricdə fəal şəkildə maliyyələşdirilir, çünki gözlənilən ömür uzunluğunun artırılması və ən əsası, sağlam həyat bəşəriyyət üçün əsasdır”, - nazir bildirib.

Muraşkonun sözlərinə görə, rusiyalı mütəxəssislər ömrün uzadılmasında irəliləyiş əldə ediblər. Nazir təfərrüatları açıqlamayıb, yalnız əlavə edib ki, immun, diabet və digər xəstəliklər uzun ömür ehtimalına təsir göstərir.

Həmçinin oxuyun

Qurban Qurbanovla bağlı MARAQLI FAKT

Misir Mərdanova yeni VƏZİFƏ VERİLDİ

Qan analizi verib,mütləq bu rəqəmlərə DİQQƏT EDİN! - Həkim təhlükəni AÇIQLADI 

DİN əməliyyat keçirib: Qardaşlar HƏBS OLUNDU +FOTOLAR

Yada salaq ki, noyabrın sonlarında “Sberbank”ın baş direktoru Qerman Qref bəyan etdi ki, insanların “təxminən 2032-ci ildə” əbədi həyata nail olmaq şansı olacaq. Bankir bu barədə “Süni intellekt dünyasına səyahət” konfransında prezident Vladimir Putinlə müzakirə zamanı bildirib.

Qref bu proqnozu amerikalı futuroloq Raymond Kurtsvelin ehtimal olunan "ölümsüzlük iksiri" ilə bağlı fikirlərinə istinad edib. Prezident Putin Qrefin ideyasını dəstəkləyərək bildirib ki, Rusiyada orta ömür müddəti 150 yaşa qədər artırıla bilər.

“The Times” yazıb ki, “əbədi həyat ideyasına aludə olan” Putin elm adamlarına qocalma əleyhinə müalicələr hazırlamağı tapşırıb. Nəşrin yazdığına görə, Səhiyyə Nazirliyi elmi institutlardan hüceyrə qocalması, koqnitiv pozğunluqlar, osteoporoza qarşı mübarizə üsulları və immun sistemini gücləndirmək üçün apardıqları işlər barədə hesabat vermələrini tələb edib. Bu ilin dekabrında RBC bir sıra iri elmi mərkəzlərin qocalmanı ləngitmək, insanların və onların daxili orqanlarının bioloji yaşını ölçmək yollarını axtarmağa başladığını bildirmişdi.(Musavat.com)