Azərbaycanlı turistlərə: İstanbulun asayişi, sizin təhlükəsizliyiniz "söz konusu"

$Azərbaycanlı turistlərə: İstanbulun asayişi, sizin təhlükəsizliyiniz \"söz konusu\"$

DÜNYA

1475

01.01.2026, 13:37

Xəbərlərimizi Google-da izləyin

Yeniliklərdən dərhal xəbərdar olun

Türkiyə turizm ölkəsi kimi bütün dünyanın diqqət mərkəzində olub. Xüsusən, azərbaycanlıların bu ölkəyə marağı qarşısıalınmaz bir səviyyədədir. Odur ki, Türkiyədə terror hadisələrinin intensivliyi ölkənin, xüsusən meqapolis şəhər olan İstanbulun asayiş qurumlarını ayıq-sayıq olmağa sövq edir.

Oxu24.com xəbər verir ki, İstanbul Baş Prokurorluğu 1 yanvar 2025-ci il tarixindən bəri terrorizmlə bağlı araşdırmalar çərçivəsində 2452 əməliyyat tədbiri həyata keçirildiyini, 4885 şübhəli haqqında cinayət işi başlandığını, çoxsaylı silah və sursatın, eləcə də milyonlarla türk lirəsi nağd pul və qızılın müsadirə edildiyini açıqlayıb.

Xatırladaq ki, 8 il əvvəlin bu günü Türkiyədə 10 ilin ən qorxunc terror hadisəsi baş verib.

2017-ciil , yanvarın 1-də yerli vaxtla saat 01.15 (Bakı vaxtı ilə 02.15) radələrində naməlum silahlı şəxs İstanbuldakı "Reina" gecə klubuna yaxınlaşaraq, girişdə duran polis əməkdaşını və mülki şəxsi qətlə yetirib, sonra isə içəri daxil olaraq oradakı insanlara atəş açıb. Hücum zamanı gecə klubunda Yeni il bayramını qeyd edən 600-dək insan olub. Nəticədə 39 nəfər ölüb, 69 nəfər isə müxtəlif dərəcəli yara alıb.

1988-ci il təvəllüdlü Rusiya vətəndaşı olan azərbaycanlı Nurana Həsənova da terrorçunun gülləsinə tuş gəlmişdi. Onun meyiti yanvarın 2-də Azərbaycana göndərildi.

Həmin ilin may ayında isə əyləncə mərkəzi buldozerlərlə söküldü.

Əntiqə Rəşid

Həmçinin oxuyun