Qaynar xətt:

(+99450) 247 90 86

Zelenski ikinci müddətə namizədliyini irəli sürür?

2025/02/15/1739568729_zelenski45658521232565458789.jpg

DÜNYA

511

23.09.2025, 16:00

Ukrayna prezidenti Vladimir Zelenski “Xalqın qulluqçusu” fraksiyası ilə görüşündə “müharibə bitdikdən sonra keçiriləcək istənilən seçkidə iştirak etmək” planlarını açıqlayıb.

Oxu24.com   xəbər  verir   ki, bu barədə “Politico” iclasda iştirak edən adı açıqlanmayan deputatlara istinadən məlumat yayıb.

Nəşrin yazdığına görə, qanunvericilər prezidentin narazılığına səbəb olmaqdan qorxaraq Qərb jurnalistləri ilə yalnız anonimlik şərti ilə danışmağa razılaşıblar.

Lakin görüşdə iştirak edən RBC-Ukrayna mənbələri bu məlumatı təkzib ediblər.

Onların sözlərinə görə, Zelenskinin gələcək seçkilərdə mümkün iştirakı məsələsi ümumiyyətlə müzakirə olunmayıb.

Qeyd edək ki, Ukraynada hərbi vəziyyət dövründə seçkilərin keçirilməsi qanunla qadağandır. Sorğular da göstərir ki, vətəndaşların əksəriyyəti müharibə zamanı səsvermə ideyasını dəstəkləmir.

Hələ avqust ayında jurnalistlərlə görüşdə Vladimir Zelenski vurğulamışdı ki, seçki məsələsi cəmiyyəti parçalayan faktora çevrilməməlidir. “Seçkilər artıq keçirilsəydi, şad olardım. “Biz bu məsələyə son qoymalıyıq, çünki bu, dava-dalaş və siyasi çağırışlardan başqa heç nə gətirmir”, - dövlət başçısı qeyd edib.

Bundan əvvəl Zelenski həmçinin bildirib ki, seçkilərin keçirilməsi üçün quruda, havada və dənizdə tam atəşkəs lazımdır.

Nigar