Rusiya-Ukrayna danışıqları nə yerdədir?

Rusiya və Ukrayna arasında nizamlanmaya dair memorandumlar layihəsi diametral olaraq ziddiyyət təşkil edir.

Oxu24.com xəbər verir    ki,bunu Rusiya prezidentinin mətbuat katibi Dmitri Peskov deyib.

"Qarşıda çoxlu diplomatik iş var. Bu iki layihə üzrə fikir mübadiləsi aparmaq və danışıqlar aparmaq lazımdır", - Kreml nümayəndəsi vurğulayıb.

Peskov qeyd edib ki, Rusiya tərəfi danışıqların üçüncü raundunun keçirilməsinin tərəfdarıdır və tarixlər barədə yekun anlaşma əldə olunan kimi bu barədə məlumat veriləcək. O, həmçinin əlavə edib ki, Rusiya nümayəndə heyətinin tərkibi dəyişməz qalacaq.

Bazar ertəsi səhər TASS agentliyi mənbəyə istinadən xəbər verib ki, Rusiya-Ukrayna danışıqlarının üçüncü raundu bu həftənin sonunda baş tuta bilər. Bundan əvvəl “İndependent” qəzetinin Türkiyə versiyası görüşün iyulun 23 və ya 24-də İstanbulda keçirilə biləcəyini yazıb.

Həmçinin oxuyun

Pensiyaya çıxmaq istəyənlərə VACİB XƏBƏR: Staj az olduqda...

Bayrama görə ŞAD XƏBƏR: Bu məbləğdə pullar ayrılacaq 

Avtomobil nömrələri ilə bağlı mühüm MƏLUMAT: 30 manat cəriməsi var 

Maaşlarla bağlı yenilik: Ştat vahidi yaradılarkən...

Türkiyədən olan mənbə də “Kommersant” qəzetinə şərhində bildirib ki, görüşün tarixi hələ də müzakirə olunur. Onun sözlərinə görə, tarixlərlə bağlı hələlik konkret razılıq əldə olunmayıb.

İyulun 19-da Ukrayna prezidenti Vladimir Zelenski bildirib ki, Ukrayna nümayəndə heyətinin rəhbəri Rustem Umerov Rusiyaya gələn həftə danışıqların üçüncü raundunu keçirməyi təklif edib. Telegram kanalında yayımlanan videomüraciətdə Zelenski danışıqların dinamikasının gücləndirilməsinin vacibliyini vurğulayıb və Rusiya prezidenti Vladimir Putinlə şəxsi görüşə çağırıb. TASS və İnterfaks mənbələri Rusiya tərəfinin bu təklifi aldığını təsdiqləyib.

Əvvəllər Rusiya ilə Ukrayna arasında birbaşa danışıqlar iki dəfə - mayın 16-da və iyunun 2-də aparılıb. Sonra tərəflər əsirlərin mübadiləsi ilə bağlı razılığa gəliblər. İyulun 15-də Dmitri Peskov bildirib ki, Kreml növbəti raundun tarixi ilə bağlı Kiyevdən təkliflər gözləyir və iyunun 22-dən sonra dialoqu davam etdirməyə hazırdır.

Miri