SON DƏQİQƏ! Rusiyadan AZAL-ın vurulan təyyarəsi ilə bağlı AÇIQLAMA

DÜNYA

2297

21.07.2025, 14:35

Rusiya tərəfi AZAL təyyarəsinin qəzaya uğraması ilə bağlı aparılan istintaq hərəkətlərinin nəticəsini gözləyir.

Oxu24.com xəbər verir ki, bunu Rusiya prezidentinin mətbuat katibi Dmitri Peskov brifinq zamanı deyib.

O, AZAL təyyarəsinin Aktauda qəzaya uğraması ilə bağlı Bakının Rusiyaya qarşı beynəlxalq məhkəmələrə təqdim etmək üçün sənədlər hazırladığını deyən Azərbaycan prezidenti İlham Əliyevin sözlərinə belə münasibət bildirib.

“Əgər Azərbaycan belə bir qərar qəbul edərsə, bu, Azərbaycanın hüququdur, biz bütün proseslərdən və aparılan araşdırmalardan rəsmi hökm gözləyəcəyik”, - Peskov bildirib.

Qeyd edək ki, ötən gün Prezident İlham Əliyev III Şuşa Qlobal Media Forumunun iştirakçıları ilə görüşündə qəzaya uğrayan AZAL təyyarəsi ilə bağlı sualı cavablandırıb.

Həmçinin oxuyun

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar?

Prezidentin general-leytenant rütbəsi verdiyi Adil Abdullayev kimdir?

TƏCİLİ! Azərbaycanda yeni qaydalar TƏSDİQLƏNDİ

Dövlətimizin başçısı bildirib: “Təəssüf ki, biz Rusiya rəsmilərindən heç bir cavab almamışıq. Artıq bu hadisədən yeddi ay keçib. Bizim üçün hər şey aydındır, nə baş verdiyini bilirik. Biz bunu sübut edə bilərik və bilirik ki, Rusiya rəsmiləri də məsələdən xəbərdardırlar. Onlar da nə baş verdiyini gözəl bilirlər. Sual olunur: niyə görə onlar (Rusiya tərəfi — red.) analoji halda hər bir qonşunun etməli olduğu hərəkəti etmədi? Bizim tələbimiz təbii idi - Rusiya tərəfi öz günahını etiraf etsin, təyyarəmizi vuranlar cəzalandırılsın, qəzada həlak olmuş və yaralanmış şəxslərin ailələrinə, eləcə də AZAL-ın təyyarəsinə görə təzminat ödənilsin”.

Miri