Qaynar xətt:

(+99450) 247 90 86

Parisi mühafizə etmək üçün minlərlə polis cəlb edilir

DÜNYA

148

30.05.2025, 15:01

Çempionlar Liqasının finalından sonra Parisdə asayişi təmin etmək üçün 5,4 min polis və jandarm əməkdaşı yerləşdiriləcək.

Oxu24.com  xəbər verir  ki, bu barədə Fransanın “Le Parisien” nəşrinə müsahibəsində Paris polisinin prefekti Loran Nunes məlumat verib.

Final görüşü Fransanın “Paris Sen-Jermen”i ilə İtaliyanın “İnter” komandaları arasında olacaq. Qarşılaşma mayın 31-də Münhendəki “Alianz Arena”da keçiriləcək.

Nunesin qeyd etdiyi kimi, Parisin mərkəzi hissəsində gücləndirilmiş təhlükəsizlik rejimi tətbiq olunacaq. Şəhər hakimiyyəti avtomobillərin və piyadaların Şarl de Qoll meydanına girişini məhdudlaşdıracaq. Hüquq-mühafizə orqanları əsas diqqəti Yelisey meydanına və PSJ-nin ev stadionu Parc des Princes-ə verməklə, bütün Parisdə vəziyyətə nəzarət edəcəklər.

Bundan əlavə, Yelisey meydanı ərazisində mehmanxanalar istisna olmaqla, bütün ticarət obyektlərinin fəaliyyəti dayandırılacaq. Nunesin sözlərinə görə, bu cür tədbirlər biznesləri və onların ziyarətçilərini talançıların iğtişaşlara səbəb ola biləcək mümkün hərəkətlərindən qoruyacaq.

Nigar