Qaynar xətt:

(+99450) 247 90 86

Ərdoğandan Zəngəzur dəhlizi açıqlaması 

DÜNYA

131

29.05.2025, 14:55

Türkiyə prezidenti Rəcəb Tayyib Ərdoğan Azərbaycana səfərinin yekunlarını şərh edərkən Cənubi Qafqazda sülh və sabitliyin bərqərar olması arzusunu ifadə edib.

"Bölgədə davamlı sülh bütün tərəflərin xeyrinə olacaq. Biz Azərbaycan və Ermənistan arasında sülhün getdikcə yaxınlaşdığını görməkdən şadıq və bu prosesdən razıyıq. Türkiyə prosesləri yaxından izləyir və sülhün əldə olunmasına öz töhfəsini verir. Davamlı nizamlanma həm Azərbaycan, həm Ermənistan, həm də ölkəmiz üçün faydalı olacaq. Bizim Ermənistanla ehtiyatlı normallaşma prosesinin aparılmasının heç bir səbəbi yoxdur."

Zəngəzur dəhlizindən danışan Türkiyə lideri onun strateji əhəmiyyətini qeyd edib: "Bu, təkcə Naxçıvanla Azərbaycanı birləşdirən yol deyil, həm də Türkiyə vasitəsilə türk dünyasına yeni inteqrasiya xəttidir. Dəhlizin yaxın gələcəkdə açılması Cənubi Qafqazın nəqliyyat və enerji infrastrukturunu gücləndirəcək".

Ərdoğan həmçinin regionda sülh və inkişafa yönəlmiş addımlarda İranın dəstəyinə ümid etdiyini bildirib. “Sülhə doğru atılan hər bir addım, hər bir açıq yol və ya dəhliz təkcə iqtisadi fayda gətirməyəcək, həm də ölkələri bir-birinə daha da yaxınlaşdıracaq”, - deyə o, yekunlaşdırıb.

Nigar