Qaynar xətt:

(+99450) 247 90 86

İran: 20,000 meqavatlıq nüvə enerjisi istehsalı layihəsinə start verilib  

DÜNYA

184

27.05.2025, 19:06

İranın Atom Enerjisi Təşkilatının rəhbəri Məhəmməd İslami bildirib ki, 20 min meqavatlıq nüvə elektrik enerjisi istehsalı layihəsinə start verilib.

Oxu24.com xəbər verir   ki, Tasnim Xəbər Agentliyinin məlumatına görə, İslami Atom Enerjisi Təşkilatının Səmərəlilik Komitəsinin iclasında çıxış edib.

20 min meqavatlıq nüvə elektrik istehsalı layihəsinin başladığını bildirən İslami, "Bu böyük layihəyə əslində start verilib. Layihə əsasında icraçı şirkətlər yaradılıb və dövlət dəstəyi ilə işləri irəli aparacaqlar" deyə qeyd edib.

İran rəsmisi Buşəhr Atom Elektrik Stansiyasının son 10 ildə 72 milyard kilovat elektrik enerjisi istehsal etdiyini, bunun da 110 milyon barel neft qənaətinə uyğun olduğunu və bu obyektin tikintisinin dəyərinin təxminən 1 milyard avro olduğunu bildirib.

İslami 20 min meqavatlıq nüvə elektrik enerjisi istehsalı layihəsi ilə bağlı heç bir təfərrüat verməyib.

Nigar