İsrail Fələstinin tanınmasına sərt cavab verməklə hədələyir

2024/10/04/1728050606_2024-04-14t130218z_1830460319_rc2d67auh5gn_rtrmadp_3_israel-palestinians-iran-pic_32ratio_900x600-900x600-20901.jpg

DÜNYA

494

27.05.2025, 13:16

İsrail iyunda Nyu-Yorkda keçiriləcək beynəlxalq konfransda Fələstin dövlətinin tanınacağı təqdirdə cavab addımları atacağı ilə bağlı Avropa ölkələrinə xəbərdarlıq edib.

Oxu24.com xəbər verir ki, bu barədə İsrail mediası yazır.

Belə ki, İsrailin xarici işlər naziri Gideon Saar britaniyalı həmkarı David Lammy və Fransanın xarici işlər naziri Jan-Noel Barroya bildirib ki, İsrail Fələstin dövlətinin tanınmasına İordan çayının qərb sahilindəki C ərazisini ilhaq etməklə və icazəsiz forpostları qanuniləşdirməklə cavab verə bilər.

Nazirin bəyanatı iyunun 18-də Nyu-Yorkda Fransa, Səudiyyə Ərəbistanı və bir sıra digər ölkələrin iştirakı ilə Fələstinin tanınması ilə bağlı beynəlxalq konfransa hazırlıq fonunda verilib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

İsrail Hayomun sözlərinə görə, konfransın təşəbbüskarı Fransa prezidenti Emmanuel Makrondur və bu gün bir çox dövlətlərin Fələstini rəsmən tanıyacağına ümid edir. Nəşr onu da qeyd edir ki, Birləşmiş Ştatlar konfransda iştirak etməmək qərarı barədə İsraili xəbərdar edib, lakin eyni zamanda digər ölkələrə onları cilovlamaq üçün açıq şəkildə təzyiq etməyəcək.

İsrail Fransanı Fələstini dövlət kimi tanımaq hərəkatına rəhbərlik etdiyinə görə qınayır.

Bu arada Agence France-Presse xəbər verir ki, Jan-Noel Barrot Ermənistana rəsmi səfəri zamanı Fələstinin xarici işlər naziri Varsen Ağabekyan-Çahine ilə görüşəcək və onunla Nyu-Yorkda keçiriləcək konfransı müzakirə edəcək.

Miri