Qaynar xətt:

(+99450) 247 90 86

Estoniya Rusiyanın hücumuna hazırlaşır

DÜNYA

141

21.05.2025, 16:55

Estoniyada NATO-nun ən böyük hərbi təlimi olan "Bahar Fırtınası" başlayıb, Böyük Britaniya, Fransa və Finlandiya da daxil olmaqla, alyans ölkələrindən təxminən 16 min hərbçi iştirak edir.

Oxu24.com  bu  barədə  Bild -ə istinadən xəbər verir. Təlimlər Rusiyanın Baltikyanı ölkələrə mümkün hücumunu simulyasiya edir və müdafiə ssenarilərini tətbiq edir.

Əsgərlər iki tərəfə bölünür: biri Qərb qüvvələri, digəri rus ordusu kimi çıxış edir. Əməliyyatlar qəfil hücumlar, tanklar, artilleriya, pilotsuz uçuş aparatları və kamuflyajlı kəşfiyyat qrupları ilə real ssenarilər üzrə həyata keçirilir. Eyni zamanda, hər bir tərəf ayrı-ayrı məxfi əmrlər alır ki, bu da təlimləri mümkün qədər döyüş şəraitinə yaxınlaşdırır.

Estoniya diviziyasının komandiri general İndrek Sirelin sözlərinə görə, manevrlərin məqsədi NATO qüvvələrinin köməyi ilə Estoniyanı müdafiə etməkdir.

“Mənim ssenarimdə mən Rusiya Federasiyasının silahlı qüvvələrinə qarşı döyüşürəm”, o əlavə edib.

Miri