Qaynar xətt:

(+99450) 247 90 86

Ukrayna xüsusi təyinatlıları Rusiya bölgəsinə giriblər

DÜNYA

141

21.05.2025, 15:25

Rusiyanın Bryansk vilayətinin sakinləri Ukraynanın Baş Kəşfiyyat İdarəsinin (QUR) xüsusi təyinatlılarının Vıqoniçi qəsəbəsi ərazisində müşahidə edildiyini bildiriblər.

Oxu24.com  xəbər verir   ki, bu barədə “Operation Z: Rus Baharının Müharibə Müxbirləri” Telegram kanalı yazıb.

Məlumata görə, Ukrayna kəşfiyyatçılarının göründüyü ərazi mühasirəyə alınıb və bütün giriş yolları bağlanıb.

Həmçinin qeyd edilir ki, Bryanskda Rusiya sərhədçiləri, FTX və Rusiya Milli Qvardiyasının xüsusi təyinatlıları, həmçinin “Sever” qrupunun qüvvələri əməliyyat keçirir.

Ukrayna kəşfiyyat qrupunun Bryansk vilayətində peyda olması mayın 21-də məlum olub. Bildirilib ki, Vıqoniçi kəndindən təxminən 10 kilometr aralıda yerləşən Subbotovo kəndində səkkiz nəfərə qədər qrup müşahidə edilib.

Bundan əvvəl Kursk vilayətində Ukrayna Silahlı Qüvvələrinin hücumu barədə məlumat yayılmışdı. Səhər saatlarında üç piyada döyüş maşını və bir zirehli transportyorda hücum qrupları Sumı rayonunun Pavlovka kəndindən Rusiyanın Novı Put kəndi istiqamətində yola düşüb.

Nigar