ABŞ Rusiyanı “problem yaradanlar” siyahısına daxil edib

Dünyada Çin, Rusiya və Şimali Koreya arasında “potensial sabitliyi pozan ittifaq” formalaşır.

Oxu24.com xəbər verir  ki, bunu “Bloomberg” agentliyinə istinadən xəbər verir ki, bu barədə ABŞ-ın Hind-Sakit Okean Komandanlığının komandanı admiral Samuel Paparo bildirib.

 

Onun sözlərinə görə, bu “problem yaradanlar üçbucağı” azad və açıq Sakit okeanı geosiyasi rəqabət meydanına çevirməklə hədələyir.

 

Honoluluda keçirilən müdafiə forumundakı çıxışında Paparo üç ölkə arasında texnoloji, diplomatik və hərbi əməkdaşlığın artdığını, o cümlədən dəniz qüvvələrinin birgə təlimlərini qeyd edib.

 

ABŞ hələ də sualtı qayıqlarda texnoloji üstünlüyünü qoruyub saxlasa da, Paparo Rusiyanın gələcəkdə potensial təhlükə yarada biləcək gizli sualtı texnologiyasının inkişafını vurğuladı, hətta bu texnologiya hələ Çinə ötürülməsə belə. Ümumiyyətlə, admiralın sözlərinə görə, Sakit okean regionunda bu üç ölkənin hərəkətləri getdikcə daha çox əlaqələndirilir və effektiv olur.

 

Fevralın 13-də ABŞ prezidenti Donald Tramp Rusiya prezidenti Vladimir Putin və Çin prezidenti Si Cinpinlə ən qısa zamanda görüşlər keçirmək istədiyini bildirib.

 

Bundan əvvəl ABŞ-ın vitse-prezidenti Rusiya ilə münasibətlərin bərpasına başlamağı təklif etmişdi.

 

Nigar