Rusiya Müdafiə Nazirliyinin maraqları naminə yük daşımaları həyata keçirən Rusiyaya məxsus “Ursa Major” gəmisinin batması terror aktıdır.

Oxu24.com xəbər verir  ki, bunu “Rossiyskaya qazeta”ya istinadən Rusiya prezidentinin köməkçisi və Dəniz Kollegiyasının sədri Nikolay Patruşev deyib.

“Mütəxəssislərin fikrincə, Aralıq dənizində Rusiyanın “Ursa Major” gəmisinə qarşı terror aktını dost olmayan ölkələrdən biri təşkil edə bilərdi”, - Patruşev bildirib.

Rusiyanın dost olmayan dövlətlər siyahısına bütün NATO ölkələri (Türkiyə istisna olmaqla) və Avropa İttifaqı daxil olmaqla 49 ölkə daxildir.

Bu yaxınlarda məlum olub ki, “Ursa Major” yük gəmisinin batmasından sağ çıxan rusiyalı dənizçilər Madriddən Rusiyaya uçublar.

Dekabrın 24-də Rusiyanın "Ursa Major" gəmisi İspaniya və Əlcəzair arasında beynəlxalq sularda gəminin mühərrik zalında baş verən partlayışdan sonra batıb. 14 ekipaj üzvünün xilas edildiyi, ikisinin itkin düşdüyü bildirilir. Quru yük gəmisi çox tonluq liman kranlarını Sankt-Peterburqdan Vladivostoka aparırdı. 

Nigar