Trampın fərmanından sonra Suriya kürdləri ABŞ-dan pul almağı dayandırıb

“Türkiyə” qəzeti bölgədəki mənbələrə istinadən iddia edir ki, ABŞ prezidenti Donald Trampın digər ölkələrə xarici yardımı dayandırmaq barədə son sərəncamı Suriyadakı kürd silahlı qruplaşmalarının maliyyələşdirilməsinin dayandırılmasına səbəb olub.

Nəşrin yazdığına görə, Trampın xaricə yardım proqramına yenidən baxılması qərarı terrorçu Kürdüstan Fəhlə Partiyası və onun Suriya qolu olan YPG-nin vəsaitlərini kəsib, onların nəqliyyat və qida xərclərini məhdudlaşdırıb və pulun ödənilməsini böyük risk altında qoyub.

Nəşr yazır ki, PKK və YPG-nin maliyyə strukturları qərargahın saxlanması, nəqliyyat və yemək xərclərinə məhdudiyyətlər barədə xəbərdarlıq edib. Bundan əlavə, "yanvar və fevral aylarında maaşlar sonuncu ola bilər."

Türkiyə Suriyanın Rakka və Həsəkə bölgələrindəki mənbələrə istinadən hazırkı vəziyyəti təsdiqləyib.

Qəzetin mənbələri həmçinin PKK və YPG daxilində Türkiyənin Suriyanın şimalında hərbi əməliyyat keçirəcəyinə dair böyük qorxuların olduğunu, kürdlərin neft yataqlarına nəzarət etdiklərini və ildə təxminən 2 milyard dollar gəlir gətirdiyini bildirdi.

Tramp daha əvvəl ABŞ-ın xarici yardımının 90 gün müddətinə dayandırılmasına dair fərman imzalayıb.

 

Nigar