İran nüvə proqramı ilə bağlı Əhatəli Razılşma Müqaviləsində üzərinə götürdüyü öhdəliklərin bir qisminin icrasını dayandırıb.

Oxu24.com  “Mehr”ə istinadən xəbər verir ki, bunu İran Prezidenti Həsən Ruhani Nazirlər Kabinetinin mayın 8-də keçirilən toplantısında elan edib.

“İran uranın zənginləşdirilməsinin səviyyəsini davam etdirəcək və ağır suyun satışını bu gündən dayandırır. Bu, 60 gün davam edəcək”, - deyə H.Ruhani vurğulayıb.

Rəsmi Tehran İranın nüvə proqramı ilə bağlı danışıqlara vasitəçilik edən “altılıq” (ABŞ, Almaniya, Britaniya, Fransa, Rusiya və Çin) ölkələrindən ABŞ istisna olmaqla beşinə məsələ ilə bağlı məktub göndərib.

Qeyd edək ki, bu razılaşma müqaviləsi 2015-ci il iyulun 15-də imzalanıb. 2018-ci il mayın 8-də ABŞ İranın nüvə proqramı üzrə müqavilədən çıxıb. Bununla bağlı qərarı prezident Donald Tramp imzalayıb.

Ötən il yanvarın 9-da rəsmi Tehran bəyan etmişdi ki, ABŞ həmin müqavilədən çıxarsa, İran da razılaşma ilə bağlı öhdəlikəri yerinə yetriməkdən imtina edəcək. Oxu24.com