Türkiyənin Kartalkaya dağ-xizək kurortunda yerləşən “Grand Kartal” hotelində baş verən güclü yanğına səbəb aşpazların səhlənkarlığı olub. 

 Oxu24.com    xəbər verir ki, bu barədə “Sabah” qəzeti istintaq məlumatlarına istinadən məlumat yayıb.

Məlumata görə, yanğın yanvarın 21-də yerli vaxtla saat 03:21-də aşpazların qonaqlar üçün səhər yeməyi hazırladığı mətbəxdə baş verib. Onlar alovlanan yağın üzərinə su tökməyə başlayıblar, bu da yanğının bütün otağa yayılmasına səbəb olub. Bundan sonra aşpazlar küçəyə qaçıblar, alov tez bir zamanda hotelin bütün mərtəbələrinə yayılıb.

Qeyd edək ki, yanğınla bağlı aparılan istintaq çərçivəsində 19 nəfər həbs edilib. Onların arasında hotelin sahibi, meneceri, kurortun yaxınlığında yerləşən Bolu bələdiyyə sədrinin müavini də var.

Xatırladaq ki, “Grand Kartal” hotelində baş verən yanğın nəticəsində 36-sı uşaq olmaqla 78 nəfər ölüb, 50 nəfər isə yaralanıb.