Lavrov Rusiya ilə Yaponiya arasında bağlanan sülh müqaviləsindən danışıb

Rusiya xarici işlər naziri Sergey Lavrov bildirib ki, hazırda Rusiya hakimiyyəti Tokionun qeyri-dost siyasətinə görə Yaponiya ilə sülh müqaviləsi üzrə danışıqlar üçün heç bir fürsət görmür.

Nazirin jurnalistin sualına cavabı XİN-in saytında dərc olunub.

“2022-ci ilin fevralında xüsusi hərbi əməliyyat başlayandan Yaponiya hökuməti Rusiyaya qarşı açıq dost olmayan kurs seçib . Belə bir vəziyyətdə biz Tokio ilə əvvəllər baş vermiş dialoqun aparılması imkanını görmürük”, - deyə Xarici İşlər Nazirliyinin rəhbəri bildirib.

Yanvarın 24-də Yaponiyanın baş naziri Şiqeru İşiba bildirib ki, iki ölkə arasında münasibətlərin gərgin olmasına baxmayaraq, Tokio Moskva ilə sülh müqaviləsi bağlamaq istəyir.

Eyni zamanda o, sazişin bağlanmasının yalnız ərazi mübahisəsi həll edildikdən sonra mümkün olacağını vurğulayıb. Moskva hesab edir ki, Cənubi Kuril adaları İkinci Dünya Müharibəsindən sonra SSRİ-nin tərkibinə daxil olub. Tokio isə öz növbəsində İturup, Kunaşir, Şikotan və Habomai adalarının geri qaytarılmasını tələb edir.

 

 

Nigar