Cənubi Kiprdə baş verən silsilə qətlərlə bağlı yeni detallar üzə çıxıb.

Metbuat.az Türkiyə mənbələrinə istinadən xəbər verir ki, 7 nəfəri öldürməkdə şübhəli bilinən şəxs özünü fotoqraf kimi təqdim edərək, internetdə 19 yaşlı qızla tanış olub. Saxta fotoqraf,çəkiliş üçün 19 yaşlı qızı tarlaya dəvət edərək, onu avtomobildə zorlayıb. Ardınca isə qətlə yetirib.Məlum olub ki, özünü fotoqraf kimi təqdim edən 35 yaşlı şəxs, ümumulikdə 7 nəfəri qətlə yetirib.

Onun qətlə yetirdiyi insanlardan 5-nin cəsədi tapılıb. Digərlərinin axtarışları davam edir. Qətliamın üstü təsadüf nəticəsində açılıb. Piyadalar göl kənarında çürümüş cəsəd görüblər. Polisin araşdırması nəticəsində şübhəli şəxs saxlanılıb. Onun hərbçi olduğu bildirilir. Araşdırmalar davam edir.