İsrailin müdafiə naziri İsrael Katz İsrail Müdafiə Qüvvələrinə (İDF) Qolan təpələrində Hermon dağ silsiləsinin Suriya tərəfində mövqe tutmağa hazırlaşmağı əmr edib.

“Suriyada baş verən hadisələrə görə Hermonun zirvəsini tutmaq təhlükəsizlik baxımından böyük əhəmiyyət kəsb edir. Sərt hava şəraiti ilə əlaqədar olaraq, Hermonun zirvəsində müvafiq texnikanın yerləşdirilməsi və əsgərlər üçün xüsusi təlim tələb olunur”, - Katz bildirib.

Oxu24.com  xəbər verir  ki, bu barədə Ynet portalı Yəhudi dövlətinin müdafiə nazirinin bəyanatlarına istinadən  məlumat yayıb.

Dekabrın 8-də İsrail ordusu öz qüvvələrini Suriya ilə sərhəddəki bufer zonasına yerləşdirdiyini elan edib. Yəhudi Dövlətinin Baş naziri Benyamin Netanyahunun izah etdiyi kimi, bu hərəkətlər Ərəb Respublikasında baş verən son hadisələrlə əlaqədar olaraq həyata keçirilib, müdafiə xarakteri daşıyır və müvəqqəti tədbirdir. Həmin gün İsrail hərbçiləri Qolandakı Hermon dağ silsiləsinin Suriya tərəfinə nəzarəti ələ keçirib.

Nigar