İran: Əsəd ordusundan bunu gözləmirdi

İranın xarici işlər naziri Abbas Əraqçi bildirib ki, Tehranda müxalif qrupların Suriyaya mümkün hücumu barədə məlumat var.

Oxu24.com xəbər verir  ki, bu barədə Tasnim agentliyi məlumat yayıb.

Əraqçi iddia edir ki, İran bu məlumatları Suriya hakimiyyətinə təhvil verib. “Təəccüblü olan Suriya ordusunun cavab verə bilməməsi, eləcə də hadisələrin gözlənilməz cərəyan etmə sürəti idi”, - deyə nazir bildirib.

Onun sözlərinə görə, Bəşər Əsəd “öz ordusunun necə hərəkət etdiyinə təəccüblənib”. “Suriyanın özündə düzgün təhlilin olmadığı aydın idi. Düşünürəm ki, Suriya ordusu psixoloji müharibəyə girib”, - deyə Araqçi bildirib.

Reuters mənbələrə istinadən yazır ki, Suriya müxalifət qüvvələri 6 ay əvvəl Türkiyə hakimiyyətini genişmiqyaslı hücum planları barədə xəbərdar edib. Fraksiya liderləri hesab edirdilər ki, bundan sonrakı fəaliyyətləri üçün Ankaradan “sakit razılıq” alıblar. Türkiyə Xarici İşlər Nazirliyi dekabrın 8-də Ankaranın silahlı qrupların hücumunda iştirak etmədiyini və buna razılıq vermədiyini bildirib.

 

Nigar