BMT-nin Ərzaq və Kənd Təsərrüfatı Təşkilatının (FAO) məlumatına görə, noyabrda süd məhsullarının beynəlxalq qiymət indeksi oktyabr ayı ilə müqayisədə 0,6% artıb.

“FAO-nun Süd Məhsullarının Qiymətləri İndeksi öz yüksəliş trayektoriyasını qoruyub saxladı... tam süd tozu üçün qlobal idxal tələbinin bərpası nəticəsində. Qərbi Avropada güclü tələbat və məhdud tədarük fonunda kərə yağının qiyməti yeni rekord həddə çatıb”, - deyə FAO-nun saytındakı nəşrdə deyilir.

Dünya bazarında kərə yağının qiyməti 14-cü aydır ki, artmaqda davam edir. FAO-nun məlumatına görə, noyabr ayında müxtəlif növ bitki yağlarının maya dəyəri də artıb. Nəşr pendirin də qiymətlərinin artdığını, bunun da ixrac imkanlarının məhdud olması ilə bağlı olduğunu göstərir.

FAO həmçinin bir ay ərzində taxılın qiymət indeksinin 2,7%, düyü 4%, şəkərin isə 2,4% ucuzlaşdığını bildirib. Dünya bazarında qarğıdalı qiymətləri sabit qalıb.

Nigar