MAQATE İranda zənginləşdirilmiş uranın istehsalının sürətinin kəskin artdığını açıqlayıb

İran 60%-ə qədər zənginləşdirilmiş uranın hasilatı və yığılma sürətini sürətlə artırmağa başladı.

Oxu24.com  xəbər verir ki, bunu Beynəlxalq Atom Enerjisi Agentliyinin (MAQATE) baş direktoru Rafael Qrossi deyib.

"Bu gün agentlik elan edir ki, [uranın zənginləşdirilmiş] 60%-ə qədər hasil etmək qabiliyyəti kəskin şəkildə artmaqdadır", deyə  Qrossi bildirib.

MAQATE rəhbəri qeyd edib ki, əgər əvvəllər İran ayda 5-7 kq zənginləşdirilmiş uran istehsal edirdisə, indi bu həcm 7-8 dəfə və ya daha çox arta bilər.

Noyabrın 22-də İranın Atom Enerjisi Təşkilatının rəhbəri Məhəmməd Eslami MAQATE-nin İran əleyhinə qətnaməsinə cavab olaraq “əhəmiyyətli sayda” yeni qabaqcıl sentrifuqaların işə salındığını elan edib.

Noyabrın 21-də MAQATE-nin Rəhbərlər Şurası İranı nüvə məsələsində əməkdaşlıq etmədiyinə görə tənqid edən qətnamə qəbul edib. Tehranın MAQATE-dəki səfiri Möhsün Nazir Asl qətnamənin “siyasi motivli” olduğunu bildirib.

Bundan əvvəl Rusiya Xarici İşlər Nazirliyi MAQATE-nin İran əleyhinə qəbul etdiyi qətnaməyə cavab verib.

 

Nigar